Bijî HDP û bijî YPG-YPJ û azadkerdişê Girêsipî

Ez bawernêkena heta nika Şarê Kurd tarîxe xo de zey emser şa bîyo. Zey par zî xemdar bîyo.

Par wexto ke çeteyên DAÎŞ’ê T.C hêrîşê Şengal û Kobanê kerd, şarê kurd şew û roj hewn nêkerdêne. 

Şarê Kurd şew û roj xemdar bi. Çiqas xemdar bi, ewqasê zî bi hêrs bi. Her kes ca de waştêne bi lez û bez qisasê Şengal û Kobanê bîyero girewtiş. Şarê Kurd şew û roj çalekî de bi.

Şarê Kurd ewnenê Kobanê û vatêne hetanê Girêsipî nîyero rizgarkerdiş, Kantonê Kobanê û Cizîre yew nêbenê, ma rê rehetî çina. Kobanê zî tim û tim xeterî de bimano. 

Şarê Kurd hetêk ra seba rizgarkerdişê Kobanê xoverdayîş kerdêne, hetêk ra zî YPG ra hevî kerdenê ke YPG Girêsipî rizgarbikero.

Xo ra seyî Kobanê hetê YPG ra ame rizgarkerdiş,şarê kurdî çar parçe Kurdîstanê de govendê azadîyê kaykerdêne.

Her kesî tilîllîlî antenê. Qij û pîl herkes vatêne Tilîllîlîllîlîlîlî.....

Azadkerdişê Kobanê dima ra reya dîyine şarê kurd şa bi. Govend kaykerd. Pêronê şarê kurd govenda serkeftinê de bi. 

HDP seyî weçînayîşê 7 Hezîrane de bend û mend derbaskerd, hukimranîyê AKP ard war, şarê kurdî reyna vatêne Tilîllîllîlî....

Serkewtişê HDP dima ra hêzên YPG û YPJ şa bîyê. Hêzên YPG û YPJ dazanayîş da wa ma zî wazenê bi rizgarkerdişê Girêsipî şarê kurd şa bikeri.

Zaf ne, serkewtişê HDP dima ra 7 rojî derbasbîyê, ma kewtî rojê 8 mizgînîya Girîsipîyê vila bî.

Pêronê ajansan xeberê rizgarkerdişê Girêsipîyê zey xeberê yewin weşana.

Bi azadkerdişê Girêsipîye ra 15 Hezîrane tarîxê kurdî de bi mîladêk newe. Bi tarîxê yewbîyayîşê Kobanê û Serêkanîyê û Qamişlo û Derîka Hemko.

Di kantonê resê yewbîn û bîyê yew kanton. 

Şarê Kurd bi azadkerdişê Girêsipî ra zey firdano û zey perrano û zey bîyo perrîn hina keyfweş bîyo.

Dewleta Tirk zî qehr bena. Bi azadkerdişê Girêsipîyê ra rayedarên dewleta tirk kombîyayîşêk bi lez viraşt. Rayedarên eskerî û serokê MÎT zî beşdarê kombîyayîş bîyê.

Dewleta Tirk çiqas çeteyên DAÎŞ’î bi hewîno, rêxistin û îdare bikero, hemberê Kurd û Kurdîstanê çiqasî dişmenî bikero, neşkena verênîyê şarê kurd, YPG-YPJ bigero.

Hetanê nika dewleta tirk huyenê, nika ra dima şarê kurd huyeyeno.

Ma tim û tim bermayîş barê ma kewno.

Huyayîş heqê şarê kurdî yo. 

Bi huyenê bi huyenê. 

Huyayîş û govend kaykerdiş heqê maw o.

Tilîlîlîlî zî heqê maw o.

Vajênê Bijî YPG-YPJ û Girêsipîyê.

Dima ra vajênê Tilîlîlîlî.