Goreyê raporo ke hetê Dezgehê Îstatîstîkî yê Tirkîya (TUÎK) ra ameybî aşkerekerdiş; Tirkîya de bêkarî mîyanê 7 serranê peyênan de resaya dûştêko tewr berz. Hetê ci de bêkarîya ciwanan zî resaye se ra 24î. Goreyê TUÎKî Tirkîya de her 4 ciwanî ra kesêk bêkar o. Babete ser o DÎSK de Pisporê Cuya Xebate Faruk Işikî qisey kerd û wina va: “Nika Tirkîya de nizdîyê 7 mîlyon bêkarî estî. Eke ma ciwanan ser ro bifikiryî, komelo ke bi hawayo bêhêvî û bêbawerî ewnîyeno, vejîyeno raste. Ciwanî, seba ke kar nêvînenî, înşaatan de xebitîyenî. Tirkîya de bînayî bi gonîya ciwanan berz benî. Seba ke bêkarî hîna zêde nêba, ma do vajî nê.”
ANQARA