Merkez û qezayanê Amedî de mahsereyî dest pêkerde. Engura ke yena arê dayene ra bastêq, helawe, sucuxe û kesme yenî viraştene. Dewijî dîyar kenî ke ê emser qaso ke waştî de engure nêgirewta.
Varayîşê varanê zêde yê aşma êlule ra dima qanqileyê engure wişk benî. Dewijî dîyar kenî ke 3 serranê peyênan de seba ke bombarduman virazîyeno, engure zaf kêmî bîya. Dewijê dewa Eskarî ya qezaya Pasûrî ya Amedî de zî mahsereyî dest pêkerda. Engure yena şiwitene û erzîyena mîyan ciwalan û yena pelçiqnayene. Şîreyê engure mîyanê qazikan de yeno girênayene û dima ra ard erzîyeno mîyanê şîreyî. Peynîye de helîle virazîyena û na helîle potikan ser o yena rokerdene û tîje ver de yena vindarnayene.
Mahsereyî de baro tewr giran milê cinîyan ser o yo. Zafaneyê nê karî hetê cinîyan ra yeno kerdene. Reyna dewa Eskarî de Wesayîtê Sîlehinî yê Bêmerdimî (SÎHA) dewijan ser o firenî. Dewijî bi hawayo etirîyaye mahsereyî kenî.
MA / AMED