Mintiqayê Koya Cudî yê Şirnexî de her ke şono hûmara bizanê koye kêm benî û nê bizan binê pawitişî de yê. Seydbazî ke teberê bajarî ra ameyî, varayişê vewrî firset dîyê û binê nameyê seydbazîya milçikî de mintiqa ra ameyê, bizan kişenê.
Dewijê Sorbitminê Silopîyî Îlyas Yaghan babete ser o vat ke tewir bi tewir harguş, milçik û bize yenî qetilkerdiş û wina vat: “Qetilkerdişê nê heywanan gune yo. Çew vatişê ma diqet nêgêno, ganî nê heywanî bêrî pawitiş. Ganî verê no bêexlaqî bêro girewtiş, wa seydbazan no zîhnîyetî ra fek veradê. Taybetî bizanê koye kişenê, eke dewlete biwaza eşkena asteng biba la ser ci de nêvindena.”
Ganî ceza bêro dayiş
Yaghan aşkera kerd ke ganî nê seydbazan ra cezaya girane ya pereyi bêro dayiş, ganî biko hepisxane ra zî bêrî eştiş û wina qedîna: “Verê qetilkerdişê nê heywanan bêro girewtiş, zirarê bizanê koye çewî ra çin ê. Cezayê giran bêro dayiş do kiştişê nê heywanan bivindero. Nê seydbazan teberê bajarî ra yenî, ma qetilkerdişê nê heywanan nêwazenî.”
MA/ŞIRNEX