Cenazeya Demîr Meletî ra amê giroten û berdîya Cemxaneyê sûk. Parlementerê HDP Alîcan Onlu, îdarekarê HDP û DBP yê sûk ra pîya bi seyan kesan cenaze morgê Cemxane ra girotî. Şêligî bi slogana ‘Şehîd nêmirenê’ nêrazîbîyen û hêrsê xo berz kerdî. Lorikê maya Ersîn Demîr Zelîha Demîr û waya ci Sakîne Demîr bi sebebê tesîrê hîsyar û xemgîney.
Şêligî bi konvoyî cenaze berd dewa Bornekî. La noqteyanê geyrayiş yê qereqolê Dîkîlîtaş û Karşilar de bi behaneyê qontrolî cenaze bi seatan vindernîya. Peycoy Cemxaneyê Geyîksûyû de helalî ame waşten. Parlementerê HDP yê Dersim Alîcan Onlu tiya de qisey kerd û va Kurdistan de Dayika Taybet, pitika 35 rojî, Dersim de Ersîn Demîr seba zihnîyeta dewlet terorîstî yê. Onlu vist vîrî ke Ersîn Demîr û 3 welatijê bînî hetê eynî zihnîyet amey kişten. Cenazeya Demîr tewr peynî de onca berdîya keyeyê ci û pey coy mezelxaneyê dew de defin bî.
DÎHA / DERSIM