Pawitoxê Rayverê Şarê Kurd Abdullah Ocalanî Rezan Sarica cewab da vatişanê  Wezîrê Edaletî Bekîr Bozdagî yê ‘Bi eleqedarê tîvarîya Ocalanî de qe problem çîno’ û va na beyanat seba manîpulekerdişê tecrîdê Îmrali yo.  Sarica da zonayen ke Bozdag hewl dano ke raştîyan binimno û vist vîrî ke 5 serrîyo pêrokîn serpirodayişê înan yê seba pêdiyayinî  amey redkerdiş. Sarica aşkere kerd ke tecrîdê panc serran dûştê heqanê esasî yê însanîyo û va: “Tecrîdkerdişê jew însanî rewşê herbî de zî, OHALî de zî sûco ke nîno qebûlkerdiş o, rewşê îşkence yo.” Sarica va, heta ke Îmrali de pêdiyayiş nêvirazîyo, wa kes nêpawo ke şik û gumanê kesî şirê.


Beyanatî tetmîn nêkenê

Verra Bozdagî jû nêrazîbîyen zî malbatê Ocalanî ra amê. Birayê Ocalanî Mehmet Ocalanî aşkere kerd ke beyatanê Bozdagî înan tetmîn nêkenê û waşt ke ya bi xo ya kî pawitoxî şirê bi Ocalanî ra pêdiyayin virazê.  Mehmet Ocalanî vist vîrî ke pêdiyayinê malbat û pawitoxan heqekê qanûnîyo û wina va: “Eke vanê ma ‘dewleta hiqhuqîyê’ ganî heqê ma bidê. Wa wezîr damûsno ke raşt vano. Dinya do xirab nêbo. Ma malbata ciyê. Ma tetmîn nêbenê û weşîya ci ra şikî yê. Eke ma nêverdanê, ganî pawitoxanê ci ma rê vajê ke rewşê ci rindo û pêra pêdiyayin virazê.”
Derheqê Grevê Veyşanî yê 50 sîyasetmedaranê kurd de zî Mehmet Ocalanî wina qisey kerd: “Şarê kurd ey wazeno, vano Rayverîye. Dewlet ey senî hesibnena wa bihesibno, homareke gird yê no welatî ey wazeno. Ma poşt danê nûmayişê grevê veyşanî, ma heta peynî bi înan ra yê. Ganî nûmayiş heta ke netîce bigîro dewam bikero, hera bibo. 


STENBOL/RIHA