Şaxa KESKî ya Îzmîrî, Konaxa Kehen ya Sumerbankî ver de derheqê pêvînayîşê butçeya 2017î de îzehetêk da. Îdarekarê Egitim Senî Bahrî Akkanî qisey kerd û wina va: “AKP teşebusê derbe sey firsendî dî. Heme muxalîfî ameyê hedefgirewtiş. KESK seba ke vera fikrê AKPyî de vejîyeno, bîyo merkezê hêrişan. Heme kes zano ke na butçe butçeya şer a. Kesê ke butçe ra vajî nê, yeno manaya dîktatorî, faşîzm û şer ra zî vanî nê. Ma veng danî kesê ke hetê kede, azadî û aştî de ca gênî, ganî na butçeya şerî rê vajî nê."
ÎZMÎR