MIHEMED HESEN / ROJNEWS / QENDÎL
Dewleta tirkî demêko derg o ke vera Başûrê Kurdîstanî de hêrişî dayî destpêkerdene û hewl dano erdanê Başûrê Kurdîstanî dagîr bikero. Vera nê hêrişanê dagîrkerîye de her ke şono reaksîyonî zêde benî. Nînan ra yewe zî çalakîya çalakwananê tirsê ganî yê Qendîlî yî.
Ciwananê Başûrî 4 rojî verê seba ke vera hêrişanê dewleta tirkî de reaksîyon nîşan bidî, çalakîya tirsê ganî daye destpêkerdene. Ciwanê Rojhelat û Rojawanî zî destek da çalakîya ke hetê ciwananê başûrijan ra ameye destpêkerdene.
Çalakgêran ra Agrîn Başûro ke Kerkûk ra beşdarê çalakîye bîyo, wina va: “Dewleta tirkî bi destekê tayê hêzanê sîyasîyan yê Başûrî vera Warê Pawitişê Medya de operasyon dayo destpêkerdene. Ganî herkes netîceyê nê hêrişan bizano û vera ci de reaskîyon nîşan bido.”
Ganî çalakîyî hîra bibî
Çalakwanan ra Rêjwan Omero qendîlijî zî seba çalakîya tirsê ganî vengdayîşê piştîdayîşî kerd û wina va: “Dewleta tirkî tena vera PKKyî de şer nêkeno, eynî wextî hêrişê Kurdan keno. Ganî ma çalakîya xo hîra bikerî û ganî ma Bradost û cayanê bînan de zî çalakîya tirsê ganî bidî destpêkerdene.”