Çalakîya grevê vêşanîye ya Leyla Guvene û bi hezaran hepsîyan bêmabên dewam kena. Netîceyê çalakîya grevê vêşanîye de avûkatanê Rayberê Şarê Kurdî Abdullah Ocalanî şîna muwekîlê xo reyde pêvînayîş bikerî. Labelê seba ke tecrîd nêwedarîya, 15 hepsîyan çalakîya grevê vêşanîye açarna rojeyê mergî.
Dayîkê ke domanê înan kewtî grev û rojeyê mergî zî vernîya zîndananê Gebze, Bakirkoy, Esenyurt, Amed, Êlih, Îzmîr, Dîlok û Riha de çend hewte yo ke çalakîye de yî. Herçiqas ke dayîkî raştê hêrişê fîzîkî û astengîyan yenî zî, çalakîya xo domnenî.
Dayîkan ewil vernîya Zîndanê Gebze de ameyê têhet û tîya de çend reya raştê hêrişê polîsan ameyî û tepişîyayî. Labelê dayîkan fek çalakîye ra veranêda û çalakîya dayîkan yew aşme xo pey de verda. Dayîkî reyna vernîya zîndanî de ameyî têhet û dayîkan waşt ke wa tecrîd bêro wedarnayene.
MA / KOCAELÎ