Nobeta ‘Ocalanî rê azadîye’ ya ke seba azadîya Rayberê Şarê Kurdî Abdullah Ocalanî verê awanîya Konseyê Ewropa yê bajarê Strasbourgî yê Fransa de yena girewtene, kewte serra 8. Çarçewaya serrgêra nobete de Strasbourg de aktîvîteyê kulturî ame viraştene.
Çalakî Place Kleberî ya merkezê Strasbourgî de ameye viraştene û hunermende Yelda Ebbasî, Hozan Comert, Xelîl Xemgîn û Serhat Çarnewa, grûbêka govende ya Parîsî tewrê çalakîye bîyî. Çalakîye de bi seyan kurdîstanij û fransayijî amade bîyî û pankarta ke ser o ‘Seba azadîya Rayberê Şarê Kurdî Abdullah Ocalanî hewt serrî yo ma nobete gênê’ nuşte bî, ameye akerdene.
Temsîlkarê sazîyanê ke mîyanê hewteyî de nobedar bîyî zî tewrê çalakîye bîyî. Hemsereka Kongreya Cimatê Demokratîkî yê Kurdistanî yê Ewropa (KCDK-E) Fatoş Goksûngûre çalakîye de qisey kerde û vat ke ê do fek azadîya Ocalanî ra vera nêdê. Goksûngûre ard ziwan ke çalakîye nobete do heta azadîya Ocalanî dewam bikero. Goksûngûre bale ante hêrişanê dagîrkerî yê dewleta Tirkî yê Başûrê Kurdistanî ser, qirkerdişê Kortekî ard vîrî û veng da welatanê Ewropa û hemeyê dinya ke wa vera nê qirkerdişan de bêveng nêmanê. Dima ra hunermendî û grûba govende vejîyayî sehne û çalakîye bi no qeyde qedîyaye.
ANF / STRASBOURG