Greva birçîbûnê ya ji bo şermezarkirina astengkirina li pêş hevdîtinin bi Rêberê PKK'ê Abdullah Ocalan re, ya ji aliyê Meclîsa Jinên Îştarê ve li Wargeha Penaberan a Mexmûrê hatibû destpêkirin, bi koma 3'yemîn berdewam dike. Di roja 6'emîn de koma 3'yemîn gireva birçîbûnê dewir girt. Koma yekem û duyem 3 rojan grev berdewam kirin dabûn. Koma 3'yemîn bi 70 jinan girev dewir girt. Di wergirtina koma 3'emîn de welatyên wargehê ji ber Saziya Malbatên Şehidan heta cihê çalakiyê meşîyan. Di meşê de dirûşmên "Bê serok jiyan nabe",  "Bijî serok Apo",  "Jin jiyan azadî" û " Em jinên penaber dora tene Ocalan" hatin berzkirin.

Li ser navê koma 2'yemîn a ji 55 jinan pêk hatibû Rewan Kobanî axivî û koma sêyem silav kir. Rewan, bi bîrxist ku hîn jî ji Rêberê PKK'ê Abdullah Ocalan xeber nayê girtin û wiha got: "Ev 48 roj in  agahiya me ji Rêberê me tune ye. Tecrîta li ser Rêberê me didome û her ku diçe dişidînin. Weke jinên Wargehê  emê çalakiya xwe berdewan bikin." Rewan Kobani di axaftina xwe de bang li dewlete Tirk û CPT'yê kir û xwest ku tecrîta li ser Rêberê PKK'ê tê meşandin bê rawestandin. Koma ku ji 70 jinan pêk tê bi çepik û tîlîliyan girev wergirt û dest bi greva birçîbûnê kir.

MEXMÛR



Li Cizîrê tecrît hate şermezar kirin

Di pêşengiya BDP'a Cizîrê de astengkirina li pêş hevdîtinên bi Rêberê PKK'ê Abdullah Ocalan re û operasyonên leşkerî dê li Cizîr bi meşekê bê şermezarkirin.
Serokê BDP'a navçeya Cizîrê Esat Malçok, li pêş avahiya BDP'ê daxûyanî da û diyar kir ku dê her çarşem û şemiyê çalakiya runiştinê pêk bînin. Malçok, da zanîn ku heta tecrida li ser Ocalan ranebe û operasyonên leşkerî û siyasî ranewestin dê li Cizîrê her tim çalakiyan pêk bînin. Malçok, bala gele Botanê kişand ser çalakiya çarşemê ku îro pêk bê û anî ziman ku dê saet 17.00'an de li pêş avahiya BDP'ê çalakiya xwe pêk bînin. Malçok, ji her kesî xwest ku beşdarî meşa îro bibin û li dijî tecrîd û operasyonan dengê xwe bilind bikin.


ŞIRNEX