Çalakîya çadirî ke vera hêrişê dagîrkerîya dewleta Tirk û çeteyanê ci de dîyaya destpêkerdene, roja 11. de dewam kena. Vizêr kesê ke hêrişanê dagîrkerîye de birîndar bîyî, destek da çalakgêran. Çalakîye de xeylê kesan qisey kerd û hêrişê dewleta Tirk û çeteyanê ci şermizar kerd.
Çalakgêran qiseykerdişê xo de waşt ke wa dewleta Tirk hêrişanê xo bivindarno. Çalakgêran Xoverdayîşê Rûmetî silam kerd û da zanayene ke bêxera xoverdayîşî sewbîna çare çin o. Birîndarê ke çalakgêran zîyaret kerd zî dîyar kerd ke ê seba vindarnayîşê hêrişanê dagîrkerîye amade yî ke her tewir destek bidî.
Qiseykerdişan ra dima derheqê sucê şerî yê dewleta Tirkî de sînevîzyon ame nîşandayene. Reyna çalakîye de hetê Grûba Tîyatroyî ya Merkezê Kultur û Hunerî ra kayêkê bi nameyê ‘Domanîya mi bipawe’ ame kaykerdene.
ANHA/MINBIC