Çalakîyê ke seba piştîdayîşê grevê vêşanî yê Nurîye Gulmene, Semîh Ozakça û Kemal Gunî yenî viraştiş, her ke şono zêde benî. Nê çalakîyan ra yewe zî grevê vêşanî ke hetê ciwananê Edene ra ame destpêkerdiş o.
Endamê Rayîrê Şorişgerî de Ciwanê Şorişgerî seba ke piştî bidî çalakîyan, qezaya Seyhanî ya Edene de Parkê Ataturkî de grevê vêşanî daybî destpêkerdiş. Ciwanî dîyar kenî ke heta ke waştişê Gulmene, Ozakça û Gunî nêrî ca, ê do çalakîya xo bidomnî. Çalakvanan ra Kubra Yeşîldage va ‘ma seba ke piştî bidî mamostayanê xo, dest bi grevê vêşanî kerda’ û wina domnaye: “Ma do vera neheqî de xoverdayîşê xo bidomnî. Ganî her kes piştî bido çalakîyan û waştişê Gulmene, Ozakça û Gunî bêro ca.”
Ganî ma bibî vengê înan
Seda Tanake zî va ‘hedefê ma o yo ke ma veng bidî çalakîya înan’ û wina dewam kerde: “Mamostayê ma seba nane û rûmetê xo xover danî. Ma zî do hetê têkoşînê înan de bibî. Heta ke waştişê înan bêro ca, ma zî do çalakîya xo bidomnî. Tewr peynî Îbrahîm Tuncelî zî va ‘Gulmene û Ozakça bi hawayo neheq ameyî îxraçkerdiş’ û va: “Sey wendekarê unîversîte, ma do hetê mamostayanê xo de bibî. ”
DÎHABER/EDENE