29 girtiyên kurd li dijî tecrît û zilma rejîma Îranê 28 roje ketine greva birçîbûn. Komîna Şehîd Lewend ya taxa Kurnîş çalakî lidarxist. Li vê derê daxuyanî hat dayîn û dewleta Îranê hat şermezarkirin. Di daxuyaniyê de hat destnîşan kirin ku bila dijmin û dost bizanibin piştî berxwedana Kobanê kurd bûne yek û pişta hev digrin. Daxuyan bi diruşmeyên “Bijî Berxwedana girtiyên Urmiyê  û Bijî berxwedana Kobanê” bi dawî bû.

Li Efrînê çalakiya ciwanan

Konfidrasyona Xwandekarên Kurd ên Welatparêz a Herêma Efrînê jî bi daxwuyaniyekê kiryarên rêjîma Îranê şermezarkirin. Bi dehan şagirtên peymangeha Viyan Amara û yên dibistanên din ên li Herêma Efrînê li ser daxwaza Konfedrasyona Xwandekarên Kurd ên Welatparêz, li pêşiya peymangeha Viyan Amara civiyan û çalakiyek li dar xistin. Di çalakiyê de şagirtan alên Rêveberiya Xweseriya Demokratîk a Herêmê û Konfedrasyona Xwendekarên Kurd ên Welatparêz, wêneyên Têkoşeran û pankartên bi nivîsên ku çeteyên DAIŞ’ê û rêjîma Îranê şermezar dikin hildan. Daxuyanî bi diruşmeyên silavkirina berxwedana girtiyan bi dawî bû.

ANHA/CIZÎR