Navenda Çanda Ciwanan a Cegerxwîn xebatên xwe yên dawiya salê ku heya 22 hezîranê bidome da dest pê kirin. Bernameya dawiya salê li ber avahiya Dibistana Cegerxwîn, bi govend gerandinê dest pê kir. Ligel dehan kesan, hemwelatiyên ku di rê re derbas dibûn jî eleqeyek mezin nîşanî govendê dan. Koma govendê bi lîstikên herêma Amedê wek; Çar Ling, Yek Ling û Delîlo ji aliyê temaşevanan gelek hat ecibandin. Piştî govendê wêneyên ku ji aliyê xwendekarên beşa wênesaziyê ya Navende Çanda Ciwanan a Cegerxwîn ve hatine xêzkirin, bi resepsiyonek hat vekirin.


'Ramanek, Romanek û Rewşenbîrek'  
XNavenda Çanda Ciwanan a Cegerxwîn di çarcoveya xebatên dawiya salê panelek bi navê 'Ramanek, Romanek û Rewşenbîrek' li dar xist. Panel bi moderatoriya Mehmûd Şîrnasî û beşdariya nivîskar Serwet Denîz, Sîdar Jîr û Omer Fîdan pêk hat. Di panela ku gelek wêjehêz beşdarbûn de jiyana nivîskar Erebê Şemo û pirtûka wî ya bi navê Şivanê Kurmanca ku wek romana kurdî tê qebûlkirin, hat nîqaşkirin.

'Xewnên Cengawerekî' hat lîstin
Di roja duyemîn de jî ligel panelek bi nîşandana lîstikek şanoyê û govendê pêk hat. Lîstika şanoyê ya bi navê 'Xewnên Cengawerekî' a ku derhêneriya wî mamosteyê Navenda Çanda Ciwanan a Cegerxwîn Omer Şahîn dike hat pêşandan. Bi dehan temaşevan bi bêhnvedanek lîstik temaşe kir û li ser piyan bi çepikên xwe jî kêfxweşiya xwe nîşan dan. Piştî nîşandana lîstikê kesên ku keda wan di lîstêkê de derbas bûne derketin ser dikê û ji ber elqeyê temaşavanan re spasiyên xwe pêşkêş kirin. 

AMED