Çarçeweya OHALî de bi Qerarnameyê Hukmê Qanûnî bi hezaran akademîsyenî seba ke îmze eştbî vilaweka aştîye karî ra ameybî îxraçkerdiş. Nê akademîsyenan ra Doç Dr. Mehmet Rauf Kesîcîyo ke Unîversîteyê Kocaelî ra amebî îxraçkerdiş, qisey kerd.
Kesîcîyî va ‘Vilaweka aştîye seba ke vera dewleta qirker de kurdan pawitêne, mi îmze eşt’ û wina dewam kerd: “Ma eştişê îmze ra dima bîyî hedefê îqtîdarî; verê Serekkomarî waşt heqaretê ma bikero û dima ra ma ameyî tepiştiş û karê ma destê ma ra ame girewtiş. Ganî welatê Ewropa zî seba merdimê ke mecbûr mendî ke Tirkîya ra aqityayî, tayê çîyan bikera. Eke referandumî de Sîstemê Serekî bêro qebulkerdiş, ez bawer nêkena ke reyna bişînba biagêra welat.”
Akademîyê azade
Kesîcîyî dewamê qiseykerdişê xo de bale ant Akademîya Piştîdayîşêyewbînanî yê Kocaelî ke hetê 19 akademîsyenan ra amebî awankerdiş û wina dewam kerd: “Çapemenîya ke Tirkîya de ya, bîya ortaxê suco ke îqtîdar û dewlete kenî. (ez çapemenîya kurdan rê nevana) Çapemenî vera problemê kurd û akademîsyenan de nêvejîyena sînorê ke dewlete dîyar kerdo. Cok ra seba ke akademîsyenan sîya bikera, çi destê înan ra yeno, kenî.”
Meşrûîyetê ci çin o
Kesîcîyî peynîya qiseykerdişê xo de wina va: “Weçînayîşê 7ê hezîrane ra dima sey ke Rayberê Şarê Kurdî Abdullah Ocalanî vatbî ‘mekanîzmaya derbe kewte dewre. Goreyê mi derbeya rastikêne hetê îqtîdaro ke netîceyê weçînayîşê 7ê hezîrane nêşinasna û Rojawan zî tede xeylê hetan rê şer îlan kerd ra virazîya.”
ANF/BRUKSEL