Rojnamegerê ke Warê Pawitişê Medya de karê xo domnenî, ser Roja Rojnamegerîya Kurd de qisey kerdî
Mehmet Emîn Mutlu: 22ê Nîsana 1898 de neşrbîyayîşê rojnameyê Kurdistanî hetê tarîxê rojnamegerîye yê Kurdistanî ra zaf muhîm o. Kanşopîya ke rayberîya ci Serxwebûnî kerdo û ey ra dima hetê Tevgerê Azadîya Kurd ra na kanşopîye ameya averberdiş, esta. Yanî kanşopîya ke Mazlum Doganan ra heta Gurbetellî Ersozan û sewbîna embazan kede daya, esta.
Hedefê înan eynî yo
Ciwan Tunç: Ez şexsê Halîl Dag, Sevdîn Nergîs, Nujîyan Erhane û Nucan Malatya de heme şehîdanê çapemenîye birêzdarî yad kena. Vindetişê nê embazan seba ma talîmatêk o. Hedefê nê embazan û yê ke rojnameyê Kurdistanî vet, her çiqas ke tarîx cîya bibo zî eynî yo. Rohat Aktaş nînan ra yew o. Seba ke çîyê ke Cizîr de qewimîyayî biresno dinya, cêrzemînan de bi hawayo ganî ame veşnayîş.
Derwîş Eren: Ez wazena bi yadkerdişê embazanê şehîdan dest pêbikera. Nê embazan ra yewe zî Xerîb Welato ke wexto ke hemleyê Reqqa taqîp kerdêne, 20ê nîsane de şehîd kewt o.
Rayîrêko zehmetin o
Dîlan Herekol: Kanşopîya Çapemenîya Azade bi rojnameyê Serxwebûnî kewto pratîk û dima ra Kurdistan û Tirkîya de bingeyêko xurt dayo awankerdiş. Na kanşopîye mîyan de rol û mîsyonê cinîye zî nîşan dano. Qet şik çin o ke cayê Gurbetellî Ersoze tarîxê çapemenîye de cayêko muhîm o.
Dilgeş Garzan: Ma ewro qala kanşopîya rojnamegerîya ke 118 serran Mîyanê nê şert û mercan de rojnamegerîya Kurdistanî yeno manaya hetê mazlum û xoverdakaran de cagirewtiş.
BEHDÎNAN