Hunermend Tahîr Bozkûrtî bi nameyê “Mende- Çar Demserre Dêrsim de Manenî" albumê resiman ke sanika îxtîyarê ke rixmê polîtîkayanê koçberî zî Dersim nêteriknayî hadre kerd.
Bozkûrtî sanika resîman bi kirmanckî û tirkî vato û kitabê ci aşma Gulane de weşanxaneyê Sanci ra vejya. Bozkûrtî da zanayîş ke serra 2011’î ra na het destpê xebatê kitabê xo kerdbi û vist vîrî ke serranê 1990'î de Dersim û herêmanê Kurdan ê bînan de dewlete polîtîkayanê koçkerdişî ferz kerd.
Tahîr Bozkûrtî vist vîrî ke ey sanika kesê ke Dersim ra goç nêkerdî vato û aşkere kerd ke berardişê kapîtalîst nifşê newe, nifşê verên ra qerfnena. Bozkûrtî dîyar kerd ke, “ziwan, bawerî, kultur nê pêrokînî pêra ameyê qerfnayene û va, “Dersim de kultur û efsûneke zaf gird esto û her ke şino no kultur vindî beno. Verîya ke îxtîyarî nê cayan biteriknê û şirê ganî ma no kulturî dewr bigîrê.
Bozkûrtî ard ziwan ke wexto ke ey xebatê kitabî daramitene, ey fikir kerdo ke tenya ca bido kirmanckî, labelê seba kesê ke kirmanckî xo vîra kerdê, ey ca da tirkî zî. Bozkûrt dazanayîş ke xebatêko bi no rengî qora sifteyin o û wina va: “Hema vaje sanika pêrokîn dewan şibena pê. Mi ca da sanika Pîra Kûmrû ke Pilûr a Dersim ra koçê Pêrtage kerda. Dewa Pîra Kûmrû serra 1994’î de ameya bombevurnayen û dewlet aye dayo koçkerdiş. Dima ra dewlet qerar dayo ke êşkena kinarê dewanê Awbendê Pêrtagî de biciwîyo. A zî hinî ewja de ciwîyaya. Mi herzewbîn resimê bananê xirbeyî yê dewanê verarde koyan zî antî û albumî de bica kerdî. Pilêmorîye ra teber ez temamê mintiqa fetelîyaya.
‘Wexto ke îxtîyarî şirê …’
Hunermend Tahîr Bozkûrtî ard ziwan ke îxtîyarî neqlkarê kulturî yê û va, “Nika herêma Dersim de kesê 70-80 serrî mendê. Eke ê zî şirê, bi raştî ma dê zî şirê cayekê bîn. Ma dê raştîya xo ra, kamîya xo ra dûr bikerê. Ganî ma desinde bi nê îxtîyaran ra têkilî ronê û destûr nêdê de ê tenya bimanê. Ganî ma ageyrê koyanê dapîr û bapîran yê Dêrsim û Mûnzûrî.
DÎHABER/STENBOL