Di kombîyayişê de zî biryar ameyo girewtişî ke di aşma nîsane de zanîngehê Belçîka û Polonyaye ra ciwaneke ziwanê kurdî elaqa mojnenê û ser xebat kenî ra wendekaran bêrê Kurdistanê û Kurdistanê de zî sazîyê ziwanê zîyaret bikerî Û nê sazîyan ra zî xebatê ziwanê ser zî agahî bigerê. Peynîya ameyişê nê ciwanan zî do aşma temmuza 2015 de zî Kurdî-Dêrê navend ra ciwaneke ziwanê kurdî û îngîlîzî ra hakîmî nê ciwanan zî şîrê welatê Belçîka û Polonyaye de xebatê ziwanê ser agahî bigêrî.
Çarçiweya projeyê zanîngehê Polonya û Belçîkaye ra ciwanan amey Amede, ciwanan sifteyin Kurdî-Derê Amede şopnayişê xebatê ziwanê rê polan gêray û mamoste û rayverê Kurdî-Derî ra xebatê ziwanê ser agahî girewtî.
Ciwanan sewbî sazîya ziwanê Egîtîm Senê zîyaret kerdî û di Egîtîm Senî de bi beşdarbîyîşê hemserekê Egîtîm Senî û rayedarê Egîtîm Senî reyde kombîyayiş viraştî. Ciwanan seba weçînayişê 7’ê hezîranê fikr û ramanê xo ardî ziwan.
Fîncî Yavuz di Belçîkayê de cuyena û malbata a serra 1993’ê de verba tade û zilman Mêrdînê ra koç kerdo la malbatê Yavuzî qet kurdewarî xo ra fek vera nêdayo û malbatê înan ra taybetê pîyê înan, domanê xo ra zaravayê kurmancî musnayo.
Zey mîhrîcanê
Yavuz bal ant ser weçînayişê 7’ê hezîranê û wina vat: “ Ez bi xo di xebatê YXKê de seba şarê xo û partîya şarê xo ya HDPê xebat meşnena. Taybetê di mîyanê YXKê de xebatê çarçiweya averberdişê kurdewarê ser o. Ma tena kuçe û papolan nê ser înternetî zî xebatekî bi coş û heycanî kenî û ma omidarîkî do HDP bendê bivîyaro.”
LÊL AMED / AMED