Birayê Şêx Abdurrahman Alagöz Yunus Emre Alagöz ke ocaxa çay a bi nameyê “keyeyê çay a îslamî” daynê şuxulnayîş, yeno vatiş ke seyî buroyê DAIŞî ameyo xebetnayîş. Dikano ke 8 aşmî verê ameyo qefilnayîş û eyro zî seyî dikanê reklamî tede kar yeno kerdiş, hîna camekanê ci de ayetê Quranî ke dema ocaxa çayî ra mende esto. Zereyê dikan de cayo ke seyî ‘mînber’ yeno xebetnayîş de nuşteya ‘kelîme-î tewhît’ ke ala DAIŞî de zî esta bala merdim ancena. Esnafê papûleyî zî vatîy: “Kesêy ke ameynê şîynê tîya nimaj nêkerdênê. Rojo êne de berî ver de veng daynê û zere de qata cor de nimaj kerdênê, xutbe wendênê.”
Semeda qeyd şibi
Yunus Emre Alagozê Semsurij ke serra 2013’î de keyeyê ra bi mehneya ke zanîngeha Îbrahîm Çeçen a Agirî qezenç kerdo û do semeda qeydê xo bivirazo vecîya, la rayna ci ra xeber nêame girewtiş. Keyeyê ci semeda ke ci ra xeber nêgirewt dest pê cigêrayîşî kerdîy la çiqas gêrayî zî nêresayî şopa ci. Wextok ra pey o keyeyê xo gêra û vat ez Erebîstanî de ya. Serra 2014’î zî ageyra keye û bi kîrakerdişê dikanî, aye çayxanê akerd. Gilîkerdişê keyeyê kesêy ke domanê înan beşdarî DAIŞî bîy sero polêsan no çayxane semeda ke bê rihsat o girewt.
Sere de cayê wendişî
Berê çayxaneyê ke nika seyî dikanê reklamî kar keno de mealê tirkî ya sureyanê Tewbe, Ahzap, A’raf, Îbrahîm û Zarîyat nuşteyo. Binê nê mealan de zî bi erebî ‘kelîme-î tevhîd’ esto. Dikanê ke seyî çayxaneyî xebetyeno, qata corê dikanî de odeyek seyî cayê wendişî, cayê nimajî û mînber esto. Mînberî sero zî nuşteya ‘kelîme-î tevhîd” ke ser ala DAIŞî zî esta ameyo xêzkerdiş.Halît Ersîn Çokgezme ke nika wayîrê dikanê reklamî yo vat ke: “Wexto ke ma dekewtîy no dikanî, ma dîy ke wayîrê ci yê verên qata cêrî seyî çayxane, qata corî zî seyî cayê wendişî, cayê nimajî û mînberî xebetnayo.”
SEMSÛR