Çalakîya grevê vêşanî ya Nurîye Gulmene û Semîh Ozakçayî ke seba ke tepîya biagêrî karê xo daybî destpêkerdiş, roja 236. de dewam kena. Seke yeno zanayîş her roje Cehdeyê Yukselî yê Anqara de tayê kesî seba piştîdayîşê çalakgêran û seba karê xo tepîya bigîrî çalakîyan virazenî. Çalakîya nê kesan zî roja 356. de dewam kena.
Sey her reyî na rey zî çalakgeran waşt vernîya Abîdeya Heqê Merdiman ya Cehdeyê Yukselî de de îzehetêkî bidî çapemenîye. Labelê polîsan destûr nêda. Cok ra çalakgêrî Ziqaqê Konurî de ameyî têhet û vernîya qalxananê polîsan de pankarto ke ser de ‘Çalakîya Nurîye û Semîhî roja 236. de ya, wa Nurîye û Semîh tepîya biagêrî karê xo’ akerdî û sloganî eştî.
Polîs mudaxaleyê grûbe kerd û pankartê înan dirna. Netîceyê mudaxaleyê polîsan de 3 kesê bi nameyê Îlker Işik, Mehmet Dersulu û keso ke nameyê ci nêame musayîş, ameyî tepiştiş.
MA/ ANQARA