25 beşan de kursî ameyê akerdiş û cenî eleqayêka weşî nîşanê kursan danê. Cenî ke na 2 aşme atolyeyan de perwerde vînenê çîyê ke viraştê maxazaya Şaredarîya ya ke Berê Mêrdînî de ameybî akerdiş de roşîyenê.
Mudirtîya Beşa Gure û Perwerde a ke Serekîya Daîreyê Xizmetê Komeleyan ser o xebatan kena ÎŞKUR dir pîya Sumerparke de atolyeya Tekstîlî akerd. Atolyeya Tekstîlî, 22 Hazîrane de abî û 50 cenî tede perwerde vînenê. Cenîyan Atolyeya Tekstîlî de deştiş-naqiş mûsayê û kabîlîyetê xo aver berdê. Çîyê ke pê destê cenîyan ame viraştiş maxazaya Şaredarîya ya ke Berê Mêrdînî de ya de yenê rotiş
Serpirodayîşê kursan
Îdarekerdoxê Mudirtîya Beşa Gure û Perwerdeyî îzeh kenê ke perwerde 10’ê êlule de qedîyeno û peynîya perwerdeyî de îmtîhan virazîyeno û ek cenî îmtîhan bivêrî belgeyê besbîyayîşî dîyeno înan. Onca ame vatiş ek cenî ke wazenê perwerde bivînê eşkenê Sumerpark de Mudirtîya Beşa Gure û Perwerdeye û ÎŞKUR rê ser piro bidî.
Sereka Daîreya Xizmetê Komeleyan Semra Kiratli îzeh kerd ke bin banê Mudirtîya Gure û perwerdeye de 25 beşan de kursî virazîyenê û wina vat: “Ma nê kursan de wazenê, wa cenîyê ma bibê wayîrê gureyek û hetê kabîlîyetî de xo aver berê. Nika nê kursê ma dewam kenê. Atolyeya tekstîlî zî ê kursanê ma ra yewêk a.”
Kiratli îzeh kerd ke kursê înan 22’ê hezîrane de dest pêkerdî û 10 êlule de qedîyenê û cenî ke kursan de perwerdeye, deştişê makîna, piko, viraştişê qalip, vetişê qalip musenê.
AMED