“Nêy tecawizî semedê ke dişmenê xo sero pelçiqnayîş virazî, bitersnî û pankkerdişê nîjadî bivirazî yenî kerdiş. Nê kerdeyî zî zafêr cenîyan sero benî. Wextê şer û pêrodayîş de, êy ke tewr zaf yenî qetilkerdiş, tacîzkerdiş, tecawizkerdiş û rîyê şerî yê tewr xirab reyde rî bi rî manenî cenî yî.”
Hêrîşkarî sero bino
Mercan dergeyîya qalîkerdişê xo de ard ziwan ke heta ke merdimayî bibo do şer zî dewam bikerî û wina vat: “Şerî ajoyê ke merdimî de estê û wexto ke vîyarenî merdimê bîn sero vecyenî werte. Tîya de cîyayîyê ke yenî kerdiş zî bandora xo estî. Cîyayîyê sey komelê bîn, zayendê bîn, dînê bîn, nîjadê bîn û sewbîna cîyakerdişî bandor kenî. Encamê ci de hêrişkarîya ke mîyanê kesî de esto û wexto ke no hêrişkarî vîyareno yê bîn xirabîyîş him hetê fîzîkî de û him zî hetê psîkolojîk de virazeno. Xirabîyîşê ke şer merdimî de virazeno taybetî bawerîya merdimî zeyîf keno û merdimî mîyanê neçarî de verdano. Wexto ke merdim nêşînbo nê hîsan reyde têkoşîn bido aye wext merdim dekeweno mîyanê depresyonî û travma vîyarneno. No travmaye zî zirarek xeylê gird kesayetîya merdim de virazena.”
Paştîya psîkolojîk
Mercan qalîkerdişê xo de dîyar kerd ke bade tecawizan birîndarîya trawmayî û nêweşanîya ke hetê zayendî ra vîyarenî, eşkenî bivecî werte û qalîkerdişê xo wina peynî kerd: “Na semedî ra komelê ke raştê şerî yenî rê hetkarîyê psîkolojîk zaf muhîm î. Çareserkerdişê hîsê nêyînî ke şeran ra dima vecyenî werte, ameyox de persgirêkê ke bivecî kemî keno. No zî vernîya întîxaran gêno û humara întîxaran her ke şono kemî beno. No semedî ra lazim o vernîya hîsê ke hêrişkarî teşwîq kenî bêrî wedaritiş.”
Armancê tecawizî şenikkerdişê dişmenê xo yo
Mercan qalîkerdişê xo de bal ant ser şerî de kerdişê tecawizî ya ser cenîyan û wina verdewam kerd: “Her tewr nêweşanîya psîkolojîkî goreyê camêrdan cenîyan de hîna vîşêr vecyenî werte. Ajoyê bêkontrolî ke mîyanê şerî de vecyenî werte ra yew zî tecawiz o. Tecawiz awayo ke dişmenê xo bi temamî biqedêno, yeno kerdiş. Hêrişkarîya ke wazeno yê duştê xo çin bikero bi awayo tecawizî xo dano teber. Nêy zî semedê ke kesê ke duştê xo şenik biko û çîyek destê ci de nêverdo, yenî kerdiş.”