No ser sereyê aye ame birnayiş. Dadgeha Şorişa Fransayî seba Gougesî no aşkerayî kena û guya vana ke; Gouges, waşt biba merdimê dewletî, hetanî nika no pergal çî aye ra behş kerdo se, heme no nîmetan yew cayê ra verada û waşt sîyaset bikera. Bedelê no waştişî zî bi canê xo da.No raştê qewimyayişa 1789’ê ra yena û no demî de Fransayî de şoriş amebî kerdişî. Bênîqaş şorişî de keda cenîyan zaf bî. Qey nika no qewimyayişî min vîra xo ard. Ma serrê 700 û nika ra biewnî. Cenî nika sîyaset eşkena bikera? Cenî çi çax ke heq biwaza hewna yena kiştiş? Eke cenî zeypê biwaza se yena veşnayiş? Cenî eşkena çik biwaza? Na cenî belkî dema gîyotîn de nîya, la hele zî sereyê ya yena birnayiş û yena kiştiş. Hewna nêeşkena heqî bigera, la yew ferqî de û no ferq zî zaf muhîm o. Cenî êdî têkoşînê xo bi şero azadîye de dona. Senî wazena bicuya, no ser biryar dona. Peynî hewna cenî mirena, la bi rûmeta xo mirena û zana seba çi mirena. 


Xelasî bi azadîya cenîye bena

Finak cenîyê Kurdistanî bi ala giyotînî û fabrîkaya Îskenderîye de cenîyan ke cuyayişê xo vînî kerd, bi têkoşîna înan de têkoşîna xo domnenî. Bi taybetî paradîgmaya Înşakerdişê Xelasîya Demokratîkî û cuyayişo azad bi rayvistbîyîşê cenîye do aver şîro. La Înşakerdişê Xelasîya Demokratîkî ra taybetî têkoşînekî lazim o. 

Cenî heme komelî xelq kena; hem aver bena hem zî komelî pawena. Hetanî nika kurdî raştê qirkerdişî amey, eke şarê kurdî de cenîya azad xoserîya xo înşa nêkera, no demî nêeşkena azad biba. Çimkî xelqkerdişa nirxê azadîya şarekî cenî bi xo kena. Cenî hetanî ke kole biba, nê camerd, nê cenî û nê zî gede bi exlaq û fikra azadîye de miqatyena. 

Cenî heme komelî xelq kena; hem aver bena hem zî komelî pawena. No ser zî yew cenî bi fikra koletî nê komelî nê zî xo eşkena xelas bikera. Eke fikra koletî de bi fikrê xo binê komelî de bimana û tena nirxê ke xelq kerda, koleya no çika biba. 

Hetta cenî yew nêbiba, nêeşkena bimira. Miyanê ciwiyayiş û mergî de do şêra û bêra. Cenî cenîtîya xo ra biveja. No rewşê de yew cenî ganê nêeşkena yew gede xelq bikera û no xelqkerdiş zî zatî  rewşekî seqet o. Na rewş her tim pergala bandurîyê camerdî ra do xizmet bikera, zîhnîyeta koletî pawitiş a û pergala kapîtalîstî ra xizmet a. 


Armanc vilakerdiş o

No wateyî de xelasîya cenîya ciwan dîrokê yew mahîyet a. Cenîya ciwan eşkena bi enerjîya xo tewr fikrê azadî vernîya xo birona. Çimkî çerxa faşîsteya pergalî ra nêkewta. Nika qonaxa averşîyîşî de ya. Na qedroyê cenîya ciwan sifteyin wezîfeya înan rayvistkerdişa cenîya ciwan û têkoşîndayişê cenîya ciwan a. 


Kultirê tecawizî reyde zîhnîyetê faşîst pawenî

Bi resnayişê koyan cenîya ciwanan azadî yo. Çimkî têkoşîndayişê cenîya azad qederê ma yo. Pergal ser cenîya ciwan de bi qirkerdişa kultirî de polîtîkayên helênayişî şuxilnena. Taybetî polîtîkayên sîxurî, tiryak û şîdetî cenî cuyayişa ke mîyanê yozî de ya, eşkena bionca. 

Qirkerdişê tena wara kultirî de nê, sîyasal, lejkerî û fîzîkî de yena şuxilnayiş û no waran bi kultirê tecawizî de yena miqatnayiş. 


ARJİN GARZAN