Dewreya tewr peynî zî bi nameyê Dewreya Ekîn Wan ameybî viraştiş û şarê ereb ra Mardîye El Hesen û Muna Saîk El Nasir ke dewreya perwerdeyî ya Hêzê Pawitişo Komelî (HPC) temam kerdî, babete sero vînayîşê xo ardî ziwan.
Cenîya bi nameyê ya Mardîye El Hesen ke 50 serre ya û maya 6 domanan a, ard ziwan ke ya semedê xopawitişî beşdarê perwerdeyî bîya û wina domna: “Ez semedê ke herre, cenî û şarê xo bipawa beşdarê HPCe bîya. Sereyê de Rojhilato Mîyanên û heme cayê dinyaye de şar hetê hêzê dagirkeran ra yenî qetlkerdiş, labelê Rojawanî de no feraset ame xirakerdiş. Şorişê Rojawanî verdarazê şaran a verba yewbînan xira kerd. Ma tîya de semedê pawitişê heme şaran perwerdeyî vînenî. Mîyanê ma de ti cîyayî çino. Lazim o ma pîya no erdî bipawî. Ma cenî û camêrdî goreyê felsefeya Rayver Apoyî erdê Rojawanî de cuyenî.”
Şorişê rojawanî bi hêz kerd
Cenîya bi nameyê ya Muna Saîk El Nasir ke 31 serre ya û maya 7 domanan a zî ciresna ke ya bi perwerdeyê xopawitişî çek girewto destê xo û wina vat: “Ez no perwerdeyî ra zaf çî bander bîya. Min têgêrayîşê cenîyan nas kerd û perwerdeya çekî ma girewt. Rayna min felsefeya Rayver Apoyî nas kerd. Tîya de min fam kerd ke perwerde semedê merdimantî çende muhîm o. Şorişê Rojawanî girêdayîna biratî û seyyewbînanîya şarî bi hêz kerd. Ma do heme şaranê dinyaye ra îspat bikerî ke ma heme şarî birayê yewbînan î.”