Cenîyê hemşînijî kî paştî danê xorayîrberdişî

Babete sero Endama Komeleya Dayîşê Cuyayîş û Cigêrayîşê Kultirê Hemşînî (HADÎG) Elîf Altunkaya qalîkerd.

Semedê çi nêbeno?

Altunkaya dergeyîya qalîkerdişê xo de ciresna ke ya têkoşînê şarê kurdî ra bandor bîya û wina vat: “Embazê min ê ke kurdkî qalîkerdênê no semedî ra têkoşîn daynê. Keyeyê ma de ziwanekî cîya yeno qalîkerdiş. Ma sifteyîn no ziwanî bander benî; no semedî ra no ziwan qey nêbeno ziwanê perwerdeyî? Ziwanê hemşînkî zarawayê ermenîkî yo û ermenî zî raştê qirkerdişekî gird reyde rî bi rî mendî. Demo ke derge no hetî de têkoşînekî hemşînijan çinêbi. Labelê waştiş û têkoşînê kurdan a no hetî de nîşanê ma da ke rayvistbîyayîşê cewherî çiqas muhîm o.”

Ma rê lazim o

Altunkaya ard ziwan ke xorayîrberdişê ke şarê kurdî îlan kerdo ra tewr zaf lazimîya şarê Karadenîzî esto û wina verdewam kerd: “Eyro herema Karadenîzî, bêxebera şarê Karadenîzî yeno talankerdiş. Projeyê HESî, kotayê ke semedê çayî yeno ronayîş û hîna zehmetbîyîşê şert û mercê cuyayîşî ya ganîyan nîşan dano ke xorayîrberdişan rê tewr zaf lazimîya ma esta.

Bertekê dayîkê

Altunkaya qalîkerdişê xo de bal ant ser bertekê Dayîka Havvaye ya ke dijî Projeyê Rayîrê Zergunî nîşan daybî û qalîkerdişê xo wina peynî kerd: “Tîya de Dayîka Havvaye vatbî ke ‘walî kam o? Dewlet ez a’ û no vatişê Dayîka Havvaye lazimîya xorayîrberdişî vejeno werte. Pawitişê hemşînijan a ziwan, kultir û xozaya xo encax bi xorayîrberdişan mumkin o. Kurdî halê lazan a ke dengiz nêdîyî yî. No semedî ra lazim o domanê koyî û domanê dengizî destê yewbînan bigîrî û xorayîrberdişan ra wayîr bivejî. Lazim o xorayîrberdişê ke Kurdistan de ameyî îlankerdiş, bibî finak. Şarê ke yenî cîyakerdiş, rayvistişî ra cîya weçîniteyê înan çin o. Semedê wayîrvejyayîşê xoza û kamîya xo, lazim o ma zî bingeyê xorayîrberdişan awan bikî û semedê nêyî zî têkoşîna xo gird bikî.”