Endama Desteya DBPî Hatîce Kîye û Aktîvîsta TJAyî Gulcan Kaçmaz aşkera kerdî ke esil pawitoxê ziwanê kurdî cenî yê, ganî heme lehçeyê kurdî aver bêrî berdiş û no ser zî têkoşîn bidê.

DÎNDAR KILIÇ/CEMÎL UGUR / MA/WAN

Hêrişê Dewleta Tirkî yê Rojawanê Vakûr û Rojhelatî ra dima rojdemî ra tifaqa Kurdan ame, çarçiweya tifaqe zî 18 û 19’ê çile Amed de Komxebata Yewîyeya Netewî ame viraştiş û zaf hûmarî de temsîlkarê sazî û partîyê Kurd beşdar bîyê. Babete ser o Endama Desteya DBPî Hatîce Kîye û Aktîvîsta TJAyî Gulcan Kaçmaz şîroveyê xo ardî ziwan.

Endama Desteya DBPî Hatîce Kîye vat ke seba kurdan tifaqe ra sewbî rayîr nêmendo, DBP zî tewro peynî kongreya xo de tifaqa kurdan ser o qerarê muhîm girewtê û wina vat: “Rolê cenîyan komelî de zaf bi muhîm o, ganîya ke cenîyê Kurd ameyoxê domanê xo ra Kurdistanêko azad veradê. Rojawan de cenîyê Kurd zaf bi bedelê giran dayê û hewna cenîyê Kurd, tifaqa Kurdan de do rolê xo do kay bikê. Çarçiweya tifaqe konferans, panel û kombîyayişan virazyenê. Cenîyê Kurd heme verpirsîyarê xo kay kerdê û seba serkewtişê tifaqe zî do rolê xo kay bikê. Rojawan misal o.”

Ziwan tifaq de zaf bi muhîm o

Endama Desteya DBPî Kîye bal ont xebatê tifaqe de muhîmîya ziwanî ra û wina dewam kerd: “Ganîya cenîyê Kurd, domananê xo ra Kurdî bidê musayiş. Çimkî domanî ra hîşyarîya netewî yena musayiş. Eke ma ziwanê bizanê ma eşkenê wayîrê netewa xo zî bivejîyê. No ser ganîya kurdî, domanê x ora kurdî bimusnê, seba yewîyeya Kurdan tesilî ma bêrê têhet. Seserra 21’î do qezencê kurdan bibo.”

Esil pawitoxê ziwanê kurdî cenî yê

Aktîvîsta TJAyî Gulcan Kaçmaz zî aşkera kerd ke vera polîtîkayê înkar, îmha, mêtingêrî û xespî ra şerto ke Kurdan bêrê têhet û yew bibê û wina domna: “Çi heyfo Rojhelatê Mîyanên seba ke hetê binerd û bînser de zegîn o, no ser her tim bîyo hedefê dewletê kapîtalîstan. Şerê kapîtalîstan de her tim cenîyî bîyê maxdûr. No ser ganîya ke kurdî rasteyê zey komel, siyaset, ekonomi, perwerde, weşî, dorûver û aştî de persfektîfê xo aver bibê. Esil pawitoxê ziwanê kurdî cenî yê, ganî heme lehçeyê kurdî aver bêrî berdiş û no ser zî têkoşîn bidê.”