Di şewî de berpirsîyarê Însîyatîfa Çermîgijanî Şehmus Kiliç qise kerd. Kiliç dîyar kerd ke zerrîya înan seba Kobanê û Şengale erzena, verba çeteyan şarê kurd têkoşîn da, ganî kerd vêşan mendî hetta welata xo terk kerdî. Kiliç aşkera kerd verba nê dejê şarê xo tikey zî bibo seba hetkarîyê ê no şewî dar vistî, çi pere no şewî bêro komkerdiş do rayedarê Kantone ra bêro teslîmkerdiş.
Hewna di şewî de serekê Şaredarîay Gîessene de Graben-Bolz zî destnîşan kerd ke o weş zanena kurdan ra hetanê nika zilm û tade senî ameya kerdiş, di mîyanê şarê kurd û tirk de ravêreyeya çareserî muhîm o la belê tam no demî çeteyê DAIŞî destpê terteleyê kerdî.
Graben-Bolz ciresna ke çi heyfo ke Iraq û Sûrîyeye çeteyê DAIŞî taybetê kurdan hêrişê dijwar kerdî la qet verba nê hêrişê çeteyê DAIŞî şarê kurd qet fek têkoşîn xo ra vera nêdayî.
Hewna di şewî de wekîlê HDPa Rihaye Îbrahîm Bînîcî zî îzeh kerd ke hetanê nika taybetê kurdistanijeke di Ewropaye de cuyenî, her tim hetê Tevgera Kurd de cayê xo girewtî, bi hetkarîya xo kurdê Vakur û Rojawanî ra hêz dayî la di Kobanê de hema zî têkoşîn peynî nêbîyo.
Bînîcî bal ant weçînayişê pêroyine û wina dewam kerd: “Qet şike ma çînyo ke HDP di weçînayişê pêroyine de benda weçînayişê bivîyaro. Ganî şarê ma nêqerqîzî yo.”
GÎESSEN