Dewa Çêrmûg Xelîlan, fina siftayin jû şahiya gird rê wayirînê keyî kerd. Şaredarînê Sûka Gird ê Amedî, çarçiweyê şahiyanê dewan de, rojo şeme dewa Xelîlan ê Çêrmûg de jî, jû şahî viraşt. Namzeda HDP ê Amedî Nesrîn Şanli û Serokê Daîreya Kultur ê Şaredarînê Amedî Muharem Cebe”ya piya nezdiyê 300 kesî tewrê şahî bî.
Şahî saet 10 ra hetanî şan, bi aktîvîteyanê ciya ciya dewam kerd. Çarçiweyê şahî de, 10 doxtor û hemşîreyan, dew de welatijî kontrol kerdî. Daîreya Kultur ê Şaredarînê Amedî, qeçekî jî xo vîra nêkerdî. Qandê qeçikan jî, baxçeyê qeçikan rona û qeçikan bi saetan tede kay kerd. Namzeda HDP Nesrîn Şanli û rayverê HDP û DBP şahî de qisey kerd û eleqey ant muhîmînê weçînayinê 7’ê hezîrani ser. Mûxtarê dewa Xelîlan Haci Ertûgrûl jî şahî de qisey kerd û kêfweşînê xo ê qandê şahî ard ziwan.
Dewijê tewrê şahî bî jî, qandê şahî û xizmetê şaredarînê sûka gird ê Amedî, kêfweşînê xo ard ziwan.
Badê qisana hunermendê Merkezê Kultur ê Dîcle Firat konser da û bi deyranê xo coşê welatijan kerd vêşî.