Dewleta Tirk, wextê qedexeyanê vejyayîşê teber de, qezaya Şirnex Cizîr de cêrzemînan de bi desan kesan ganî bi ganî veşna û qetil kerd. Cêrzemînanê Cizîr ra hona boye yena. Rixmo ke cêrzemînan de cipersayîş nêame kerdiş zî TOKÎ banan virazeno. Boya ke cêrzemînan ra yena persa ‘gelo tîya de hona cenaze estê’ ano aqilan.
Mavêna 14'ê Kanûna 2015’î û 2'yê Adara 2016’î de, dewleta Tirk bi desan kesan cêrzemînan de bi hawayê wehşîyane kişt. Quwetanê dewlet benzîn rijna ser kesê dirbetinan û bi no şiklî însanan kişt. Herzewbîn wextê qetlîam de çekê kîmyewî zî amey şixulnayîş. Tewr peynî de 7'ê Hezîran de cayo ke cêrzemîn estbî de, cenazeyekê ke bi naylon amêbî pîştene de cenazeyekê amêbî vînayîş. Cenazeya ke aîdê camêrdekî bî wedarnîya Nêweşxaneyê Dewlete yê Cizîrî. Nayî ra pîya herêma ke cêrzemînî mîyan de yê ra boye yena. Na zî îxtîmalo ke herêm de hona zî cenaze bibê kena vêşî. Karkerê ke seba TOKÎ banan virazenê, ciresnay ke bi taybetî cayo ke cêrzemînê diyîne mîyan de yo ra boye yena.
Hona 9 cenaze nêameyê vînayen
Gurekaran aşkere kerdî ke înan agahî dayo sermîyanan, labelê seba cenazeyan heta nika ti cipersayîş nêame kerdiş. Gurekaran day zonayen ke wexto ke ê nezdîyê cêrzemînê dîyine benê, boyêka giran yena û seba nayî ê nêşkenê bigurweyê. Goreyê vatişê gurekaran, wexto ke înan bi kepçeyan erd tayî kinito, boye bîya vila û vêşî.
Verîya nika pawitoxan daybî zonayen ke, cenazeyê 9 kesê ke cayê cêrzemînan de asê mendbî zî nêameyê vînayen. Rixmo ke malbatan xêlê reyî nimûneyê gonî daybî zî, labelê cenaze nêamey vînayen û yeno texmînkerdiş ke cenaze cayo ke moloz estê de yê. Dewlete bi desan cenaze zî mezelê bêkesan de tepirite û nêdana malbatan. Bi nayî îşkenceyêko bînî malbatan rê kenê.
ŞIRNEX