Rojê yewşeme, Çewlîg de varan vara. Varanek zaf xedar nîbi. Hemê cayan de wexto ke varanek hina varano, qet yew felaket nîvirazîyeno. La Çewlîg de çend deqîqê varan vara, heme cadê Çewlîg bîyê zê gol.

Wexto ke, na manzera  Çewlîgî, medya de bi dîmenan vila bi. Ser medyayê de, seba nayê herkes, yarîyê xo AKP û şareder Serdar Atalay kerdê.
Nuştenê û vatenê hewce nîkena yew şîyero seyranê behr. Çûnkî Çewlîg bi xo bîyo behr. Kam wazeno şîyero seyranê behrî, wa bîyero Çewlîg. Çewlîg bîyo behrê Serdar Atalay û AKP.
Çewlîgijan, hina yarîyê xo Serdar Atalay û AKP kerdê. Vatenê, Serdar Atalay bîyo serekê Şaredarê Çewlîg, ma bê aw mendî.  Heme cade, kuçê û ziqaq xirab bîyê. Bîyê zê qulê mereyan.
Çewlîgij, hîzmetê Serdar Atalay û AKP re qet qayîl nîyê. Şarê Çewlîg vano, Serdar Atalay û AKP seba bajarê Çewlîg xebat nîkerda.
Hetê hîzmet de, ti hîzmetê Serdar Atalay seba Çewlîg çîno. Serdar Atalay, ser ra hîzmetê tirkperêstî kerdo. Seba olîmpiyatê zimanê Tirkî, nizdîyê 300 hezar pere da. Cemaatê Fetullah Gulen, pê nê pere, zerre Çewlîg de olîmpîyatê ziwanê Tirkî viraşt. Mûş, Xarpêt û Dêrsîm ra însan komkerd, ard Çewlîg.
Çewlîg de, mexsedê viraştişê no olîmpîyat o yo ke, şarê Kird yê Çewlîg bîyero helinayîş û bibo Tirk.
Serdar Atalay bajarê Kirdan de, hîzmetê tirkperêstî keno. Zê hîzmetkarê, qerwaşê Fetullah Gulen kar keno. Xo ra, zê kesek Fetullahî yeno şinasnayîş. Dişmenîyê şarê Kird keno. Hina dişmenîyê Şarê Kurd keno ke, Serdar Atalay bi xo serra 2012 de tayî çete rêxistinkerd, pê nê çeteyan êrîşê bane BDP yê Çewlîg kerd. Tayî BDP’yîj birîndar kerd. Pê no êrîş waşt ke, eynî zê komkiştişê Sêwas, çîyek hina bibo. Ti eleqê Serdar Atalay, şar,tarîx,kultur û ziwanê Kird(Zazakî,Kurmancî, Soranî,Lorî, Kelhurî, Hewramî) çîno.  
Vatişêk şarê Çewlîg esto vanî, “Tirkê Suslî”. Yew vano qey no vatiş seba Serdar Atalay ameyo vatiş. Serdarê Tirkê Suslî. Çi suslî yo.
Şarê Çewlîg na raştîyê AKP ve Serdar Atalay weş vîneno. Ez vana, ê şarê Çewlîg vîjnayişê şaredarî yê 2014’an de, dersek gird bido Serdar Atalayê Tirkê Suslî û AKP.
Çûnkî Serdar Atalay û AKP layîqê Çewlîg nîyê.
Mezgê înan mezgê faşo û tirkperêsto.
Hîzmetê înan zî seba tirkperêstîyo.