DBP Çewlîg de roja şemê Kongreyê xo yê awarte viraşt. Parlamenteranê HDP ê Amed Îdrîs Balukên û parlamenterê Çewlîg Hîşyar Ozsoy ra piya bi seyan kes tewrê kongre bî.
1925î ra na het polîtîkayê komkiştenî
Kongre de, ceniyê Kurd ê şoreşger ke Parîs û Silopî de qetil biy, amey vîrarden. Parlementerê Amed Îdrîs Baluken’î kongre de qisêy kerd û eleqe unt komkiştenanê dewleta Tirk ser.
Baluken’î vist vîrî ke, siyasetê komkiştenî ke ewro yenê ramiten, 1925’î de sarewedarişê Şêx Seîd Efendî û sarewedarişê Dersîm de zî ameybî ramiten û niya dewam kerd: “Dewlet wazena bi komkiştenan pêrokîn şarê Kurd bikişo. La belê şarê Kurd sereyê xo verra enê siyasetê lej-herbî nimiz nêkeno û dano xo ver.“
Wayîrê xorayverînan bivecime
Parlementerê Çewlîg Hîşyar Ozsoy’î zî hayr ont lejê dewlet yê verra kurdistan ser û ard ziwan ke, AKP bi enê siyasetê xo, nêşena ûna vera Kurdan biramo. Ozsoy vat: „Mesele meseleya xendekûn niya. Mesela inêya ke Kurd wazenê xo ray ra berê. Enê wastenê Kurdan zî heqo rewayo. Dewlet vera wastinê şarê kurd, wahşetan virazena. Verra enê zî lazimo ma hîna xurt wayîrê rayverînê xoser biveciyê.“ Badê qiseyan, rayverîna newî yê DBP weçîniya. Netîceyê weçînayinî de, Zeynep Yurtsever û Feyzullah Şeyhanoglu bî hemserokê DBP ê Çewlig.
Konferansê HDP yê Çewlig
Roja yewşem zî Konferansê HDP yê Çewlig viraziya. Parlamenterê HDP Baluken û Ozsoy tewrê eno konferansî zî bî. Konferans de merhaleyê vêcînayîş amê qisêykerdin û gurê yew ser amê dest girotin. Heto bîn ra eleqe unciya komkiştenanê dewleta Tirk û lej ê AKP ser û semedê berzkerdinê tekoşîn û xoverdayîşê veng diya. Çarçoweyê konferansî de, semedê herakerdenê gureyînanê HDP munaqeşe amey ramiten û qerarî girotiyay.
NAVENDÊ XEBERAN