HDPyî Çewlîg de kongreya xo ya îstîsnayî ya 2. viraşte. Parlamenterê HDPyî yê Riha Nîmetullah Erdogmuş, Parlamenterê HDPyî yê Çewlîgî Erdal Aydemîr, endamê partîyî û xeylê hemwelatijî beşdarê kongre biyî.
Kongre de serekîya HDPyî ya Çewlîgî rê Veysel Kaya ame weçînayene. Qiseykerdişan de muhîmîya weçînayîşê herêmî ser o ame vindetene. Parlamenterê HDPyî yê Çewlîgî Erdal Aydemîrî va ‘HDP eşkeno nê vîjnayîşî qezenc bikero’ û waşt ke wa şarê Çewlîgî hemverê zulmê hukmatî de yew bo û xebatanê weçînayîşî yê HDPyî de ca bigêro.
Parlamenterê HDPyî yê Riha Nîmetullah Erdogmuşî zî bale ante tarîxê Çewlîgî ser û wina va: “Esasê xo de raştîya Çewlîgî na nîya. Tarîxê Çewlîgî de şexsîyetê erjayeyî estî. Çewlîgî zaf şehadetî dayî.
ANF / ÇEWLÎG