Roje çin a ke herême de qedexeyê tebervejîyayîşî nêro îlankerdene. Bitaybetî wexto ke operasyonê leşkerî yenî viraştene, kewtiş û vejîyayîşê dewe û qezayan yeno qedexekerdene. Goreyê îzehetê Walîtîya Çewlîgî qedexeyo ke xeylî wexto 26 herêmanê merkez û qezayanê Çewlîgî de esto, heta 10ê kanûne ame dergkerdene.
Herêmê ke sey ‘herêma asayîşê taybetî‘ ameyê îlankerdene wina yê: Merkezê Çewlîgî de Ortaçanak, Wareyê Hasarî, Girê Hasarî, Feratan, Wareyê Çirî, Newala Merdîvenî û Newala Monçu. Qezaya Azarpêrtî de Koyê Şeytanî, Newala Şeytanî, herêma Îlbeyî, Newala Sevkarî. Qezaya Dara Hênî de Saggoze, Buyukçag, Yenîyazi, Dîkpinar, Derman, Şekeranî. Qezaya Bongilanî de herêmê Yenîbaşak-Doguyelî, qezaya Xorxolî de Newala Horîvanîkî-Newalê Tahkîmî, Daristanê Kirkoyî, Newala Manavî û herêmê Guneşlîk û Gokçedalî. Qezaya Gêxî de herêma Çomakdere, qezaya Kanîreşî de Daristanê Karacehennemî û qezaya Çêrme de Wareyê Akimli.
ANF / ÇEWLÎG