Mehlayê Yeşîlyûrt ê Merkezê Çewlîg de araziyê Mezrafeqî de şewat veciya. Şewat waxto kilm de bi gird û eynî herem de rasa mezalxanê bajar.
Xesaro pîl
Mezrafeqî ser kila bî berz, dûm azmîn guret la rixmê nayê ekîbê şewat zaf kot erey. Naya ser ra welatijan pê imkananê xo mudahale kerd la çi heyfo ke xelyek arazî vêşay bî wel û mezalxane de zî xesaro pil veciya. Hûnca dewê Akpinara Cuwarîn de zî şewat veciya û xelyek arazî vêşay.
Yew xeberê şewat zî qeza Dara Hênî ra amey. Dewê Rotcan dûm şewat ra bî tarî çim, çim nêdî pê sebebê vaş wuşka adir bi gur û vila. Hûnca îta zî îhmalkarînê ekîbanê şewat hûnakerdiş ra 80 donum arazî veşay. Per bîn ra Kanîreş de zî dewê Alpîran de zî vaşê yew welatijî veşa. Mezra Bedran de vaş û simerê yew welatij kot tiye. Welatijan pê xortim mudahale kerd la fayda nêker. Pêroyê vaş û simer veşa tar.
SEVCAN ÇAKAS / ÇEWLIG