Kombîyayîşê DBP ê Çewlîg de vatoxê qefleyî Aydin Kaya qal kerd û arde zûne ke vêrniyê meseleyanê Çewlîg de Nêweşxaneyê Dewlet ê Çewlîg ca geno. Viraştişê Nêweşxaneyî çiwaxt qedîyeno hama zelal nêbîyo. Aydin Kaya aşkere kerd ke serranê peyinan de derheqê nayî de xelyeke eşkerakerdişî virazîyay û va, ‘tewr pênî de vacîya ke, Nêweşxaneyê Dewlet dewrê Wezirîyê Weşî biyo.La per bîn ra Mudurîye Weşî ê bajar vano hama dewr nêbîyo.No zî vatişan verînan pûç veceno û miyejneno ra ke derheqê nêweşxaneyî de qe yew gum nêerzîyay.’
Rayê hergo bene îhale û newe ra virazîyene
Aydin Kaya eleqa ûnt meselê rayî ser û vat: “Îta dew nê, bajar o. Ço yew gure kerd raşt keno. Rayê hergo bene îhale û newe ra virazîyene. La binate de tiway çin. Çewlîg de hûnca sey her waxt meseleyê rayî dewam kene.”
Hemsencîye ekolojîk ê Çewlîg xeripnenê
Kaya şewat de îxmalkerdişê rayveranê dewlet zî vîst vîrî û vat: “Çewlîg de zaf şewat vecîya. Nê şewat hemsencîye ekolojîk ê Çewlîg xeripneno. La waxto o ke koordînasyonê qûrûl Bajara de ma no arde rojdem. Mudurê Orman Zîya Polat vano personelê înan tayo malzemê hûnakerdiş înan dest de çino. No zî mîyejneno ra ke veşayîşê dar-bir xêm nînan de nîyo. Waxto ke Rojawayê Tirkîye de şewat vecîyen zaf bene zertenik la eynî zertenikê îta çîna.
Kaya waşte ke xetê enerjiyo berz ê Duzagaç zî gerek ûca ra wedariyo. Kaya arde zûne ke nê meseleyî bi serrano çare pawenê û hetûn çarekerdişê nînan ê rojdem de tepiştiş re dewam kene.
ÇEWLIG