Nûmayişê protestoyî ke bi sloganê ‘dest mede îradeyê mi’ ver bana sûk ya HDP de destpa kerd. Şêlig bi panqarta ‘Dest mede îradeyê mi’, ‘Ray nêdanime derbe’ heta ver Kuleyê Seat ray şî. Hemserokê sûk yê HDP Mahmût Bozan’î nûmayiş de qisey kerd û hayr ant hewldayenê lînçkerdişê parlamenteranê HDP ser.
Vera sîyasetî darbe
Bozan’î ard ser ziwan ke dûştê bê hiqûqîya AKP îye de xover bidê û hina dewam kerd:”Ebe HDP sîyaset ra eştiş ra çarekerdişê meseleya kurd ra nêxelesîyenê. Wedarnayişê destnêdayişê parlamenteranê HDP vera sîyaset darbeyekê ya. Rîwalê israrê yê ke herb, gonî, merdiş ra quwet gênê welat pêvacoyekê giran ra vêreno ra.Erdogan û AKP şaran anê pêver û kirêşenê kaosî.”
Mahmût Bozan’î aşkere kerd ke AKP dûştê pêrokîn çormeyanê civakî herb îlan kerd û vist vîrî ke AKP ne meseleyê gurekaran, ne yê cenîyan, ne yê gencan çare nêkerd. Büzan’î da zonayen ke cêrzemînan de însanan kom bi kom qetil kerdî û nêverdayî ke goreyê wecîbeyanê dînî bîrê definkerden.” Badê damûstayîn kom bi sloganan peyser ageyra ver banê HDP û DBP.
DÎHA/ÇEWLIG