Weto ke, Şêx Seîd ame bi aleqnayîş hina qisêkerdibi.

“Mi qey mîlletê xo tekoşîn kerd seba nayê ez pîşman nîya. La ê tornê bi wirzenê hêyfê (qisas) ma şima ra bigerenê”
Feqî Hesenê Modanî zî wexto ke, hetê dewleta Tirk ra amebi aleqnayîş eyê zî  hina vatibi.
Şêx Seîd û Feqî Hesenê Modanî înan seyî va, tornên Şêx Seîd eynî hina kerd.
Çar parçe Kurdistan tekoşîn da destpêkerdiş. Yew bi yew qisasê Şêx Seîd înan genî.
Seba nayê zaf tornê Şêx Seîd yê Çewlîgij zî şehîd kewtî.
Xeyrî Durmuş, Mehmet Karasungur, Celal Barak, Îlhan Çîftçî, Îbrahîm Încedursun û Nadîra Kal înan pêşengîyê mîlletê Kird kerd.
Ser ganê û gunê nayê şehîdan Şarê Çewlîg hîşyar bi, wayîrê mîrasê Şêx Seîd înan vejîya.
La hetêk bîn ra ser Çewlîg zaf kaykerdiş zî bi.
Dewleta Tirk pê namê Tirk-Îslam kewt zerrê Çewlîg.
Pê namê MSP,MHP,ANAP,AKP û BBP kewt zerrê Çewlîg.
Pê namê Fetullahîyan, Menzîlcîyan, Suleymancîyan kewt zerrê Çewlîg.
La raştî de eleqê nê partî û cemaatan dînê Îslam ra çîno.
Pêronê înan Tirkpêrestî. Bîyayîşê Şarê Kurd înkar kenî. Dînê Îslam seba îstîlakerî û qirkerdişê Şarê Kurd danî şixulnayîş.
Nika partiya ke en zaf nê karan kena AKP’ya.
La raştîya AKP zî vejîya werti. Dizdî AKP de esto. Bê ehleqî AKP de esta. Bê edaletî AKP de esta.
Di demî yo Şarêdarîya Çewlîg destê AKP’de ya.
AKP, pê pere Şarê Çewlîg, Olîmpîyatê Ziwanê Tirkî viraşt. Pê pere Şarê Çewlîg karê qirkerdiş kerd.
AKP,nika zî qey weçînayîşê şaredarî yew merdimê MÎT’î zê namzedê şaredarî nişandaw o. Namê eyê Yucel Barakazî yo. Wexto ke, belge eleqetîya MÎT û Yucel Barakazî vejîya werti, Yucel Barakazî no belge înkar nêkerd. La rojnamegeran re pers kerd va ke, “Na belge seyî kewt destê şima”.  
Yanî bi no qisekerdiş raşt bi ke, Yucel Barakazî vano “Raşta ez endamê MÎT’îya”
Nika weçînayîşê şaredarî yê  Çewlîg bentarê BDP û MÎT’î de derbas beno.
Şarê Çewlîg zî na raştî vîneno.
Şarê Çewlîg no weçînayîş de reye xo dano tornê Şêx Seîd Îlhan Çakabey û Zarîfe Karasungur ya zî dano Endamê MÎT Yucel Barakazî.
Ê 30’ê Adarê de bi vejîyo werti.
Ez bawerkena ke, Şêx Seîd seyî vato, ê Şarê Çewlîg zî hina bikero.
Zê tornê Şêx Seîd hêyfê Şêx Seîd înan Dewleta Tirk û MÎT ra bigero.
Reye xo bido Îlhan Çakabey û Zarîfe Karasungur.