Nobeda Azadî ya Çewlig ke bi rayverîna KJA, DBP û HDP de destpa kerd ewro roja 15. de ramena. Badê mabêna jû roj, nobed roja verî dewa girêdayê merkez Çalkiran de dewam kerd. Nûmayişa ke meydanê dew de ame destpa kerden welatijan eleqeyekê gird damûsna. Azayê MP yê DBP Adnan Sari, Azaya Şûra yê DÎK Hatîce Kavran, azayê meclîsê şaredarî û delegeyê KCD yê Çewlig ra pîya xêlê kes tewrê nûmayiş bî.
Hemseroka sûk yê HDP Zerrîn Berdîbek aşkere kerd ke di emelê nûmayişî estê û hina va: “Him semedê şikitişê tecrîdê ser birêz Abdûllah Ocalanî ke 5ê Nîsan 2015î ra na het xeber nîna giroten, him zî dewan de, mehleyan de bi ronayişê komîsyonan çarekerdişê meseleyan.
Nûmayiş vizêr zî roja 14. de dewam kerd. Û welatijan aşkere kerdbi ke heta ke Ocalanî ra xeber nîro giroten dê nûmayişa xo de dewam bikerê.
DÎHA/ÇEWLIG