Ciwanan Yeşîl Vadî Kır Dugun Salonî de şahîya xo viraştîy. Şahîyî de posterêy Rayberê Şarê Kurd Abdullah Ocalanî, şerwanêy YPG/YPJî û alêy PKK û KCKî darfînaybîy. Şahîyî ra namezdêy wekîlêy HDPî, BDPijîy û HDPijan hetî de bi seyan welatijîy cayê xo girotîy.
‘Gerîlayî ciwan êy’
Pey rêz girotişî de rayîrberêy HDP û BDPa Çewlîgî ciwanan selam kerdîy. Pey ra namzedê wekîlteya HDPa Çewlîgî Serhat Gumuş qise kerd û bal ant sîyaseta kurdan de rol û mîsyonê ciwanan ser û vat: “Cîyayeya hereketa PKKî bi ciwanan dest pêkerdiş o. No kiştî ra zaf girweyê girdîy kunê milê ciwanan ser. No hereketî heta tîya ciwanan arda. Gerîlayî heme ciwan êy.”
Pey Gumuşî de namzedeke bîn Sevgî Oruç qiseyê xo dewam kerd û vat: “Ez sifte ciwanêy Çewlîg û hemeyê kurdan silaf kena. Ciwanîy pawitoxêy xoza, cuyayiş, bawerî, nasname û kultirî yê. Semedê hemleya ‘War bivejyi’ ma do bi heme çîyê xo têkoşîna xo dewam bikerêy.
Bi nameyê DEM-GENÇîzî Emrullah Dumlu qise kerd. Ard ziwan ke weçînayişê 7 hezîranî semedê ciwan, cenî û şarê kurd zaf muhîm o û wina dewam kerd: “Çareserîya ke Rayber Apoyî zaf zehmetîyan de dabi destpêkerdiş ewro bi destê AKPî ameyo xirabekerdiş û no zî qîm nêkeno AKP wazena ke bi qirkerdişêy fizîkî qirkerdişê kurdan dewam bikera.”
Dumlu dergeyî de dazanayiş ke AKP tu rayan aştî û biratî nêwaşto û qina qedîna: “Bi saya hişyarîya şarê ma û partîya ma provokasyonêy AKP heta ewro veng vejîyayê. Ney ra weş yeno famkerdiş ke eke ma bendî nêravê se ma do rastê qirkerdişê fizîkî ya AKPî bêrêy. AKP do zaf kaykerdişêy gemarin bikera ra gere heme kesîy hişyar bibêy û raya xo, partîya xo û namzedê xo ra war bivejyo.”
Pey de Koma Agirê Rojê vejya dîkî ser û ciwanan zî dest bi govnedî kerdîy. Zaf rayan ciwanan diruşmeyê zey; ‘Bicuyi Serek Apo’, ‘PKK şar o şar zî tîyayo’.
DÎHA/ÇEWLÎG