Zîhnîyetê camêrdî, seba ke demanê peyênan de polîtîkayê cezanêkerdişî zêde bîyî, cinî û domanan hedef gêno. Cezayê ke hesaban ra dîyenî îstîsmarkaran, mexduran yewna rey mexdur kenî.
Nînan ra yewe zî keso bi nameyê C.S yo ke Îdarekarê aparmanêkî yo û îstîsmarê kênaya 15 serreyî kerdbî û netîceyê ci de bi cezaya ‘hepsê keyeyî’ amebî xelatkerdiş. Babete ser o cinîyî qisey kerdî û reaksîyon nîşan dayî.
Endama EMEPî Fatma Koçe va ‘bitaybetî 10 serranê peyênan de sucê îstîsmarî ke vera doman û heywanan de benî, zêde bîyî’ û wina domnaye: “Tena sebebêkî nêyî esto o zî cezanêkerdişê kerdoxan o. No zî cesaret dano kerdoxan. Seba ke sucdarî nînî cezakerdiş, mexdurî nêşênî vengê xo berz bikerî.”
Cinîya bi nameyê Gulsum Mansur Îrmeke zî wina va: “Bi AKP sucê îstîsmarî se ra 700 zêde bîyî. Ewro kerdox û mexdur eynî apartmanî de manenî û no mexdurîyêko gird o. ”
Endama Platformê Cinîyan yê Edene Çîgdem Ozbîlgîlîye va ‘seba ke mehkemeyî karê xo nêkenî, îstîsmarî zêde benî’ û wina va: “Ma do vera tacîz û tecawizan de tim raşteyan de bibî.”
EDENE