Bi îlankerdişê qanûnê 686. yê Qerarnameyê Hukmê Qanûnî (KHK) xeylê mamosta, akademîsyen û kedkarî gureyê xo ra ameyî îxraçkerdiş. Şaredarîya Îzmîrî yê CHPyî îxraçkerdişan ra dima qertê ‘Seba mamostayan qertê resî yê ercanî yê mîyanê bajarî’ 52 mamosta û akademîsyenê ke endamê Egîtîm Senî bî betal kerd. Babete ser o Serekê Şûbeya Hûmara 1î yê Egîtîm Senî yê Îzmîrî û Verfekê KESKî yê Îzmîrî Bahrî Akkanî qisey kerd.
Akkanî qiseykerdişê xo de va ‘Şaredarîya Îzmîrî îdîa kena ke şaredarîyêka demokrat a, labelê wina nîya’ û wina dewam kerd: “Şaredarîya CHPyî neheqîyan ver bêveng manena. Şaredarîya CHPyî heme program û îzehetanê xo de vana ke ma vera neheqîyan de yî. Labelê goreyê vatişanê xo hereket nêkenî. Wa kedkarê perwerdeyî nêrî mexdurkerdiş. Merdim vano qey mîyanê Şaredarî û hukmatî de musabaqa esto. 7ê sibate de bi hawayo lez û bez, qertê embazê ma yê ke îxraç bîbî, ameyî betalkerdiş. Şaredarîyê ke vanê ma demokrat î, şarî mexdur kenî. Kerdişê înan yeno manaya pîştîdayîşê hukmatî.”
ÎZMÎR