Nînan ra yew wextê weçînayîşan de semedê ke mînîbusa ke xebatê weçînayîşî sero ameynê şuxilnayîş daybî domanekî ro, Polîsê TEMe fek cenîya wayîrê mînîbusî Heybet Guvenî vera nêdanî yo. Heybet Guven semedê ke mêrdeyê aye nîno veradayîş, sere da ÎHDe ya Wanî ro û hetkarî waşt.
Heybet ard ziwan ke tacîzê polîsan nêzdîyê hîrê aşmî verê dest pê kerdo û wina vat: “Polîs semedê ke mêrdeyê min bigîrî, her roje yenî keye û bi telefonan ma eciz kenî. Her tim vanî ‘kam îfade dano wa bido, heta ke mêrdeyê to îfade nêdo, nêbeno. Lazim o mêrdeyê to bêro tîya.’ Ez her tim polîsê mêrdeyan reyde muxatap bîya û ey ke bi telefon gêrenî zî mêrde yî. Nêy heme semedê ke ma HDPij î, yenî kerdiş. Ez dijî nînan bêveng nêmanena û do têkoşîn zî bika.”
Tewr peynî pawitoxa ÎHDe ya Wanî Esra Îdîl zî vat ke ti eleqeya qezaya trafîkî ya polîsê TEMe reyde çin o û ma do bi her awayî paştî bidî Heybete û na doze bişopnî.
HULYA OKALÎN / JINHA/ WAN