30ê adara 2016î de wextê qedexeyê tebervejîyayîşî yê Cizîrî de teqayîşêk bibi û netîceyê teqayîşî de Ayşenur Geçîta 7 serrî û Harun Çagliyo 4 serrî merdbî. Hedîse ra dima tehqîqat dîyabi dest pêkerdene û aşmanê verênan de derheqê kerdoxan de qerarê ‘gêrayîşê daîmî’ amebî dayene.
Zabitnameyê dosya de tena ca dîyayo îzeheto ke yew paragrafî ra pê yeno. Zabitname de yeno vatene ke cayê hedîse de kamera çin o û şahidê hedîse zî çin î. Cok ra berpirsîyarê hedîse nêameyî dîyayene. Ame vatene ke hedîse ra 7 aşmî dima cayê hedîseyî de cigêrayîş ameyo kerdene û cok ra berpirsîyarî nêameyî tespît kerdene.
Dosya de îfadeyê şofêranê traktorî A.B, C.Î û S.Î esto. Şofêran îfadeyê xo de dîyar kerdo ke înan aye roje seba ke rewşa hewayî baş nêbîya, enkazê awanîyan tax de erazîyê vengî de vila kerdo. Şofêran ra A.Byî vato ‘ma aye roje seba ke rewşa hewayî baş nêbî, enkazê awanîyan raşteyê taxe de rokerd. Ez dima ra musaya ke ewja de teqayîşêk bîyo.”
JINNEWS / ŞIRNEX