Rojawanê Kurdistanê de, Kurdê Rojawa wazenê ze heme mîlletê Îslam azad bibenê. Mîlletê Kurd, seba azadîyê xo tekoşîn kena.Mîlletê Kurd,ze hetê hîrêyîn ne hetê hukumatê Surîyê, ne zî hetê çekdarên çete gena.Heme ca yê Kurdîstanê û bajarê ze Heleb û Şam de xo rêxistin kena. Hêzê xo pawişt viraşto. Meclîs,partî,asayîş,dezgeha hetkarî ze înan heme hetê de xo rêxistin kerda.

YPG, heme ca di şarê Kurd pawena. YPG, şerê Serêkanîyê,Heleb,Efrîn,Girzîro,Tiltemir,Qestel Kinco de xo îspat kerd. Nika heme şarê Kurd vanî, YPG hêzê ma ê pawitişa. Kurdê Rojawa hina kerd kî, nika-eka- hêdî hêdî bibi zî, şarê bîn raştîyê şarê Kurd vînenî.
Nika çapemenî û cirasnayîşê cîhan raştîyê Rojawa û şarê Kurd nusnenî. Ser hêzên YPG nuştê û hayî zaf bîye. Ze rojnamê Times, Der Spîgel û rojnamê bîn zî ca danî hêzên YPG. Şarê Kurd ze hetê hîrêyîn nişandanî.
Ze verê cû, kêr û lalîyê cihan zî çîna. Keynayê Kurd yê kî zerre YPG de ca genî, çapamenî û cirasnayîşê cîhan de ca genî. Keynayê Kurdan, hem hemverê hukûmatê Surîyê, hem zî hemverê hêzên çete şer kenî. Na egîdîya keynayê Kurdan bale cîhan ancena. Nika hema hema herkes vano, “şarê Kurd Rojawanê Kurdîstanê de Kurdîstanêk Xoser virazenî û serkewtî”.
Ver na serkewtişê şarê Kurd  yew dewlet esta a dewlet qayîl niya. Na dewlet, dewleta Tirka. Hêzê bîn yê kî qayîl nîyê î hêz zî, hêzê çeteyê kî ze hêzê Îslamî yenî şinasnayîş. La raştî de eleqê nê hêzan, dînê Îslamî ra çîna.
Qeter, Suîdî, Amerîka, Ûrdin, Misir û Tirkiye  nê hêzan rêxistin kenî. Pere danî înan. Çek danî înan. Werdiş danî înan . Cilan danî înan. Hêzên çete hewînenî, weyî kenî. Har kenî û şiravenî ser şarê Kurd û şarê bîn yê Surîyê.
Hêzê çete sekenî?
Şinî keyeyê mîllet şalenenî. Dizdî kenî, vanî, “ma Îhvanî muslûmînî”.
Dest derg kenî namusê keynan û cinîyan, vanî, “ma mucahîdî”. Însan sare birnenî vanî, “ma Îslamî”.
Cîgere însan wenî, vanî, “ma selefîyê”. Amerîka û Tirkiye ra tetîkkeşî kenî, vanî, “ma cîhad kenî”.
Heleb, Efrîn, Serêkanîyê,Tiltemir ca ye bîn de şarê Kurd ê Îslam kişenî, vanî, “ma ûmmetî  yê”.
Ser raye Heleb û Efrîn de, 700 kesê şarê Kurd remnenî. Benî şalenenî, îşkence kenî û kişenî,vanî, “ma mazlûmî”
Dîndarê Îslam Ê Heqîqî seyî nê zulumî nîvînenî!
Na bê vengî çîya?
Ca ye kî bîn de, çîye hina bibenê,  qiyamet ameyenê rakerdiş.
La wexto kî, zulumê gird ser şarê Kurd biyero kerdiş, çira vengê yew nîvejîyeno?