Ma qetil kenî
10 serra M.S. şerê Farqînî ser vat ke demê ke o vengê çekan eşnawito, tersî ra hetê maya xo şîyo û wina vat: “Demê ke şer dest pê kerd, taxê ma de kesê bîyanê destpêgêrayiş kerdî û rîyê înan bi maskeyan ameybî girewtiş, ez ona terseya ke min vat, belkî ma kişenî. Kesekê dorûverê banê ma de gêraynê zey çeteyê DAIŞe cil serxo kerdbî la dijî no nêzdîbîyîşê dewleta tirk ez vana ke ma aştî wazenî û merg nêwazenî.”
Guleyan nişan da
Domanê 13 serra Ç.G. bi destê xo guleyê vila mojneno û wina vano: “Polîs û lejkerê waştî bi nê guleyan ma qetil bikerî, nê gule zî waştî înan a ma qetilkerdişî ra delîl o. Nê polîs û lejkerê kekoyê ma Serhatî qetil kerd, do hetê nê gonweran nêmano û ma heyfê xo bigêrî. Ez nê guleyan yew roj nê qetilan ra nişan bida. Min demê ke vejîya teber, polîsan min ra nengu çina û ez tersî ra remeya keyeyî. Nika heme bananê Farqîn de şopê guleyan estî û ma tena wazenê kay bikerî.”
Hewna 15 serra S.G. ramanê xo ser vat ke demê ke polîs û lejerê AKPe hêriş kerdî, o malbatê xo reyde yew odeye de xo nimito û wina peynî kerd: “May û pîyê min, mîyanê qise xo kerdî û vatî: do lejker û polîsî ciwan û cenîyê kurdan qetil bikerî. Vatişê îna vejîya û polîsan kekoyê ma Serhetî qetil kerdî.”