Seba referandûmî Edene ra zî vengê ‘nê’yî gird vejîyeno. Esnafê cinîyî yê Edene tercîhê xo hetê ‘nê’yî de kerdî û seba ‘nê’yî veng dayî heme esnaf û kesan. Babete ser o esnafê taxa Gulbahçe ya qezaya Seyhanî Sabrîye Demîre, Şukran Başçi û Gulten Kahvecîogluye qisey kerdî.
Demîre wina va: “Krîzê ekonomî yeno cuyayîş. Îqtîdar kewto nimitişê krîzî dima. Ma her tewir merdiman reyde rî bi rî manenê. Ganî derheqê nê û ya de zanayîş bêro dayîş û raştî şarî rê bêra vatiş. Ma kede danê û berardişî de keda ma zî esta. Ma yewîye pawenî. Cok ra ma vanê nê.”
Başçiye wina va: “Karê ma rewşêka zaf xirab de ya. Ekonomî çin bîyo. Kes çî nêherîneno. Ma seba aştî, ekonomî û çinkerdişê tersan vanê nê. Ganî heme cinîyî seba aştî û azadî vajî nê.”
Kahvecîogluya ke karê manavî kena zî va: “Zulmê ke ameyî kerdiş, keyeyê ke ameyî rijnayîş, cinî û domanê kurdî yê ke ameyî qetilkerdiş nînê vîrkerdiş. Seba Rayber Apoyî, tepişteyê sîyasî û wekîlanê ma ‘Nê’.”
EDENE