Cinîya 76 serrî ya bi nameyê Hatîce Donmez ke dewa Şakakî yê Dersimî de ciwîyena, raştê hêrîşê mixtarê verên yê dew Burhan Gulî amê.
Burhan Gul ke alkol girot ra dima eşt keyeyê Hatîce Donmez ke keye de tenya ciwîyena ser. Gulî zerar da pil û purtê Donmez û heqaretê ci kerd. Sereştiş û tehdîdanê Gulî ra dima Hatîce Donmez rema keyeyê cîrananê xo. La mixtarê verên yê dew Burhan Gulî bi birayê xo Yûsûf Gulî ra pîya eşt no keyeyî ser û Hatîce Donmez derb kerd. Tayî welatijê ke kewtî mavên zî raştê tehdîdanê Gulî amey.
Gerreyê sûcî kerdî
Mordemê Hatîce Donmez ke merkezê Dersim de ciwîyenê bado ke hêrîş hesnay pê şî dew û Hatîce Donmez wedarnay nêweşxaneyê sûk. Kokima 76 serrî Hatîce Donmez ke raştê derbeyanê giran amê, rapora derbî girot. Mordemanê Donmez derheqê hêrîşkaran de gerreyê sûcî kerd.
DERSIM