Komê çete yê bi tifingî ke girêdayê PDK yê û hetê Tirkîye amey perwerde kerdiş, 3ê Adare de hêrîşê herema Xanesor ê Şengal kerdbî. Netîceyê hêrîşan de 2ê ci HPGyijî 7 kesan weşîya xo kerd vinî. Nê hêrîşan de Nûjîyan Erhan ra pîya 3 rojnamegerî bî dirbetin. Erhan ke 3ê Adare ra na het nêweşxane de xover da, weşîya xo kerd vinî.
Raştê sûîkasta komanê PDK amê
Hêrişanê 3ê Adare de rojnameger Nûjîyan Erhan (Tûba Akyilmaz) ke xeber taqîp kerd, raştê sûîkasta komanê PDK amê. PDK’yijan wextekê derg destûr nêda ke Nûjîyan wedarîyo nêweşxane. Dima ra Nûjîyan wedarîya Nêweşxaneyê Hesekê yê Rojawayê Kurdistan û Beşa Lezgîn de amê tedawîkerdiş. La çi heyf ke rixmê xoverdayîşê 19 rojan, Nûjîyan nîmeyê şewa verî weşîya xo kerd vinî.
Nûjîyan Erhan ke qezaya Riha Hêlwan de amê dinya, 2005î de zey Mertala Ganî bi komêk ra pîya verê xo da Hardê Pawitenê Medya.
Erhan zey rojnamegera çapemenîya azad, 2005’î ra na het xêlê cayan de hewl da ke rastîyan taqîp bikero û biresno dinya. Nûjîyan ya ke 2 serrê peynî yo ke Şengal de ya, bî veng û qîrayişê Êzîdxanî.
‘Ma qelema aye erdî de veranêdanê’
Koordînasyonê RAJIN ke derheqê şehît kewtişê Nûjîyan Erhan de eşkerakerdişeke nuştekî da û dîyar kerd ke iyê dê raya heqîqeta ke Nûjîyan oxirê ci de şehît kewt de qîrkerdişî biramnê. RAJIN va, “Wa sozê ma bo ke, ma dê bê ke qelema Nûjîyan erdî de veradê, pêrokîn quwetê ke şarê Kurd rê qirkerdişî rewa vînenê û xeta îxanet yê PDK teşîr bikerê û wayîrê têkoşîna Nûjîyan bivejyê.
NAVENDÊ XEBERAN