SOZDA OREMAR JINNEWS/EFRÎN Efrîn ke nika destê dewleta tirk û çeteyê ke girêdayeyê ci yî de yo, ewja de cinîyî her roje raştê hêriş û tedayêka cîyaye yenî. Fotografê ke ewja de ameyî antiş ra yeno famkerdiş ke çeteyî cinîyan ser o kerdişanê cîya-cîyayan ferz kenî. Badê ke fotografî vejîyayî orte, çimeyê herême dîyar kerdî ke xoradayîşê çarşefe herkesî ser o ameyo ferzkerdiş. Çimeyê herême vanî DAIŞ yewna rey Efrîn de vejîyayo orte û antişê fotograf û dîmenan zî ameyo qedexekerdiş. Kesê ke fotograf yan zî dîmenan ancenî, yan dest ronîyeno telefonê înan ser yan zî telefonê înan yeno şikitiş. Reyna Taxa Mahmudîye de camîyan de bi hawayo zorî perwerdeyê dînî dîyeno domananê şenikan û destûr nêdîyeno lacek û kênayî hetê yewbînan de bimanî. Heto bîn ra ame musayîş ke heta nika xeylê cinîyî ameyî remnayîş û raştê hêrişê cînselî ameyî. Tewr peynî bi nameyê Hatîce de yew cinîye ameya remnayîş. Reyna keyeyê Hemdanî ra 2ê ci cinî, 6 kesî ameyî remnayîş û aqûbetê cinîyan nîno zanayîş. Çimeyê herême dîyar kerdî ke heta nika cenazeyê 15 kesan ameyî dîyayîş.